რეპეტიცია ზაფხულისთვის: ტემპერატურა 30 გრადუსამდე მოიმატებს
რეპეტიცია ზაფხულისთვის: ტემპერატურა 30 გრადუსამდე მოიმატებს
მაღალი ტემპერატურა და აფრიკული მტვერი ჩაანაცვლებს გასულ კვირაში შენარჩუნებულ ღრუბლიან ამინდს. საბერძნეთი ოფიციალურად იწყებს ცხელი ზაფხულისთვის მომზადებას. დღეიდან ჰაერის ტემპერატურა მნიშვნელოვნად მოიმატებს, ხოლო ატმოსფეროში აფრიკული მტვერი კვლავ შენარჩუნდება.
სინოპტიკოსების მიერ გავრცელებული ინფორმაციის თანახმად, ტემპერატურა პიკს ხვალ, 12 მაისს მიაღწევს, როდესაც ქვეყნის რიგ რეგიონებში ბარომეტრი 34 გრადუსამდე მოიმატებს. მაღალი ტემპერატურის ფონზე, ამინდი უმეტესად მზიანი და უნალექო იქნება.
თუმცა, 13 მაისიდან ამინდის თანდათანობითი ცვლილებაა მოსალოდნელი. ტემპერატურა ეტაპობრივად დაიკლებს და სეზონისთვის უფრო დამახასიათებელ ნიშნულებს დაუბრუნდება.
მომდევნო დღეებში ქვეყნის ტერიტორიაზე აფრიკული მტვრის გავლენა ისევ შენარჩუნდება, თუმცა ძირითადად სუსტი ან საშუალო ინტენსივობით. მეტეოროლოგების განმარტებით, მიუხედავად იმისა, რომ ეგეოსის ზღვის რეგიონში დაბალ ატმოსფერულ ფენებში ჩრდილოეთის ქარები ჭარბობს, ზედა ფენებში სამხრეთის ქარები მტვრის ჩრდილოეთ აფრიკიდან გავრცელებას უწყობს ხელს.
დღეს 11 მაისს კი დედაქალაქში ტემპერატურა 26-28 გრადუსამდე მოიმატებს, დაუბერავენ 2-3 ბოფორი სიმძლავრის ქარები.
