Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიUncategorized

ათენისა და იელის უნივერსიტეტები ერთობლივ სამაგისტრო პროგრამას იწყებენ

ათენისა და იელის უნივერსიტეტები ერთობლივ სამაგისტრო პროგრამას იწყებენ

ათენის კაპოდისტრიას სახელობის ეროვნული უნივერსიტეტი და იელი გარემოსდაცვით მეცნიერებებსა და გლობალურ საზოგადოებრივ ჯანდაცვაში ახალი ერთობლივი სამაგისტრო პროგრამის დაწყება დააანონსეს.

პროგრამა, სახელწოდებით „Environmental Sciences and Global Public Health“, სტუდენტებს ორ დამოუკიდებელ სამაგისტრო დიპლომს მიანიჭებს: ერთს ათენის უნივერსიტეტისგან და მეორეს იელის უნივერსიტეტისგან. 

პროგრამა ეფუძნება „One Health“ (ერთიანი ჯანმრთელობის) კონცეფციას, რომელიც ადამიანის ჯანმრთელობის, გარემოსა და ეკოსისტემების ურთიერთკავშირს განიხილავს. მისი მიზანია ისეთი სპეციალისტების მომზადება, რომლებიც კლიმატის ცვლილების, გარემოს დაბინძურების, პანდემიებისა და სხვა გლობალური გამოწვევების მართვას შეძლებენ.

პროგრამის ერთ-ერთი მნიშვნელოვანი უპირატესობაა, რომ ხუთ საუკეთესო კურსდამთავრებულს იელის უნივერსიტეტში სწავლის გაგრძელების შესაძლებლობა ექნება სტიპენდიით.

საბერძნეთის განათლების მინისტრმა, სოფია ზახარაკიმ განაცხადა, რომ აღნიშნული თანამშრომლობა ბერძნული უმაღლესი განათლების ინტერნაციონალიზაციისა და საერთაშორისო აკადემიური პარტნიორობის გაძლიერებისაკენ გადადგმული მნიშვნელოვანი ნაბიჯია.

პროექტის ორგანიზატორების შეფასებით, ახალი პროგრამა საერთაშორისო დონეზე ერთ-ერთ წამყვან საგანმანათლებლო ინიციატივად იქცევა გარემოსდაცვითი მეცნიერებებისა და საზოგადოებრივი ჯანდაცვის სფეროში.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *