თესალონიკი: ახალგაზრდა ქალი 32 წლის მეგობარ მამაკაცს თავს დაესხა, რადგან ის PlayStation-ს თამაშობდა

გასულ ორშაბათს სალონიკში პოლიციამ დააკავა 22 წლის ახალგაზრდა ქალი, რომელიც თავის 32 წლის პარტნიორს თავს დაესხა და ფიზიკურად გაუსწორდა სავარაუდოდ იმის გამო, რომ ის თამაშობდა PlayStation-ს.

მის წინააღმდეგ სისხლის სამართლის საქმე ოჯახური ძალადობის, სხეულის განზრახ   დაზიანებისა და შეურაცხყოფის ბრალდებით აღიძრა. შემთხვევა მოხდა სახლში, სადაც წყვილი ბოლო სამი თვე ერთად ცხოვრობდა.

საბრალდებო დასკვნის მიხედვით, როგორც პრესა  იტყობინება, გოგონა ოთახში შევიდა, სადაც მისი პარტნიორი მეგობართან ერთად იმყოფებოდა. ისინი Playstation-ს თამაშობდნენ და ყურადღება არ მიაქციეს, რის გამოც გაბრაზებულმა პარტნიორს ზურგზე ხელი დაარტყა და ლანძღვა დაუწყო. ინციდენტი მას შემდეგ დასრულდა, რაც დაზარალებულის დედა ჩაერია.

ამის შემდეგ გოგონამ სახლი დატოვა და უთხრა, რომ აღარასოდეს სურდა მისი ნახვა.

საპასუხოდ 32 წლის მამაკაცმა მომხდარი პოლიციას შეატყობინა და მათ გოგონა ავტომანქანით გადაადგილებისას დააკავეს.