კითირა: ლიკოდიმუს სანაპირო უსაფრთოების მიზნით დაკეტეს
კითირა: ლიკოდიმუს სანაპირო უსაფრთოების მიზნით დაკეტეს
საბერძნეთში, კუნძულ კითირაზე დამსვენებლებს ლიკოდიმუს სანაპიროზე წვდომა უსაფრთხოების დაცვის მიზნით დროებით შეეზღუდათ. მუნიციპალიტეტის გადაწყვეტილებით, ტერიტორიაზე შესვლა და დარჩენა როგორც დამსვენებლებისთვის, ისე სხვა ვიზიტორებისთვის აკრძალულია სპეციალურ განკარგულებამდე.
მუნიციპალიტეტის ინფორმაციით, რეგიონის გეოტექნიკური სპეციალისტების ჯგუფი ადგილზე შემოწმებას ჩაატარებს, რის შემდეგაც მომზადდება შესაბამისი დასკვნა და შეფასდება რამდენად უსაფრთხოა ტერიტორიაზე ადამიანების გადაადგილება. სანაპირო მხოლოდ ყველა აუცილებელი პროცედურის დასრულებისა და უსაფრთხოების პირობების დაკმაყოფილების შემდეგ გაიხსნება.
Facebook Comments Box
