კატერინა ვუცინამ კარისტიანუს მისი ძმის ხსენება აუკრძალა კარისტიანუს პოლიტიკაში წასვლის გამო
კატერინა ვუცინამ კარისტიანუს მისი ძმის ხსენება აუკრძალა კარისტიანუს პოლიტიკაში წასვლის გამო
მარია კარისტიანუს მიერ ტემბის ტრაგედიის 3 წლისთავთან დაკავშრებით გამოქვეყნებულმა ვიდეომ ტრაგედიის მსხვერპლთა ოჯახების მწვავე რეაქცია გამოიწვია.
ვიდეოში, რომელიც კარისტიანუმ გამოაქვეყნა, ჩანს კადრები ტრაგედიიდან, ისმის ხმები, რომელიც კიდევ ერთხელ ახსენებს საზოგადოებას მომხდარის სიმძაფრეს. აღნიშნული ვიდეოს ფონზე კი კარისტიანუ სამართლიანობის აღდგენას ითხოვს და მოსახლეობას 28 თებერვალს დაგეგმილ საპროტესტო აქციაში მონაწილეობისკენ მოუწოდებს.
ზემოთ აღნიშული ვიდეოს ხილვის შემდეგ ტემბის ტრაგედიის ერთ-ერთი მსხვერპლის დამ, კატერინა ვუცინამ, კარისტიანუს სოც.მედიაშივე გამოქვეყნებული პოსტით უპასუხა და მოითხოვა, რომ აღარასდროს შეეხოს ტემბის მსხვერპლებს და მათ შორის მის ძმას, იანნის ვუცინას: “ჩემი ძმის მკვლელობის საქმის გამოყენების უფლებას არ მივცემ არავის არცერთი პოლიტიკური რეკლამისთვის, ან პოლიტიკური სტატუსის ასამაღლებლად გამართული საჯარო დიალოგისთვის.”
აღნიშნული განცხადება იყო გაფრთხილება, რომლის არ გათვალისწინების შემთხვევაშიც კატერინა ვუცინა აპირებს სამართლებრივ გზებსაც კი მიმართოს.
