4 წლის ბავშვის დახრჩობის საქმესთან დაკავშირებით გამოძიებას კიდევ ბევრი პასუხგაუცემელი კითხვა აქვს
4 წლის ბავშვის დახრჩობის საქმესთან დაკავშირებით გამოძიებას კიდევ ბევრი პასუხგაუცემელი კითხვა აქვს
კუნძულ პაროსზე მდებარე ერთ-ერთი beach bar-ის აუზში 4 წლის ბავშვის დახრჩობის საქმესთან დაკავშრებით გამოძიება ამ დრომდე მიმდინარეობს.
გამოძიება ცდილობს გამოიკვლიოს არამხოლოდ ბავშვის აუზში ჩასვლის პერიოდი, არამედ აუზში შესვლამდე განვითარებული მოვლენებიც.
აღნიშული მიზნისთვის კი სამართალდამცავმა ორგანოებმა დაცვის კამერების ჩანაწერები ამოიღეს. ისინი იძიებენ , ვინ აკონტროლებდა აუზს შემთხვევის დროს, სად იმყოფებოდნენ თანამშრომლები და რამდენ ხანს დარჩა ბავშვი წყალში მარტო.
შეგახსენებთ, რომ ბავშვი აუზიდან ბარმენმა ამოიყვანა, რის შემდეგაც ადგილზე სასწრაფო დახმარების ბრიგადა გამოიძახეს. მიუხედავად ექიმების თავდაუზოგავი მცდელობებისა ბავშვის გადარჩენა ვერ მოხერხდა.
გამოძიების განსაკუთრებულ ყურადღებას იპყრობს მაშველის ადგილზე არ ყოფნის ფაქტი. ბიზნესის მფლობელი აცხადებს, რომ თავად ასრულებდა მაშველის ფუნქციას და აუზს აკონტროლებდა. ბავშვის მამამ კი სამართალდამცავ ორგანოებთან საუბრისას განაცხადა, რომ აუზზე მუდმივი მეთვალყურეობა არ ხორციელდებოდა.
პოლიცია ასევე ამოწმებს ჰქონდა თუ არა სანაპირო ბარის მეპატრონეს აუზის ფუნქციონირების ნებართვა, იცავდა თუ არა უსაფრთხოების სტანდარტებს და ჰქონდა თუ არა აუცილებელი აღჭურვილობა, მათ შორის პირველადი დახმარებისთვის საჭირო საშუალებები.
საქმე აღძრულია გაუფრთხილებლობი სიცოცხლის მოსპობის ბრალდებით.
საბოლოო პასუხები კამერების ჩანაწერების, მოწმეების ჩვენებებისა და ექსპერტიზის შედეგების შესწავლის შემდეგ გახდება ცნობილი.
