Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

საბერძნეთი: რა არის ერთი შეხედვით უბრალო ჩვევა, რომელიც კანონდარღვევად ითვლება

საბერძნეთი: რა არის ერთი შეხედვით უბრალო ჩვევა, რომელიც კანონდარღვევად ითვლება

საბერძნეთის ბევრ ქალაქში, განსაკუთრებით ათენსა და სალონიკში, ხშირია შემთხვევები, როდესაც მოქალაქეები საკუთარი ინიციატივით ამონტაჟებენ ნიშნებს წარწერით „გაჩერება აკრძალულია“, აყენებენ ჯაჭვებს, დგამენ კონუსებს, სკამებს, ქოთნებს ან სხვა საგნებს, რათა ქუჩის ნაწილი პირადი გამოყენებისთვის დაიკავონ.

თუმცა მოსახლეობის უმეტესობამ არ იცის, რომ მსგავსი ქმედება არსებულ კანონმდებლობას ეწინააღმდეგება. საგზაო მოძრაობის წესების მიხედვით, ოფიციალური ნიშნის მსგავსი ნიშნების ან სხვა საშუალებების თვითნებურად განთავსება, რამაც შეიძლება მძღოლები შეცდომაში შეყვანა გამოიწვიოს მკაცრად ისჯება. ასეთ შემთხვევებში ჯარიმამ შესაძლოა 1 500 ევროსაც მიაღწიოს, ხოლო გარკვეულ სიტუაციებში სისხლის სამართლებრივი პასუხისმგებლობაც დადგეს.

თუ პირი უკანონოდ იკავებს საჯარო სივრცეს და დგამს ნივთებს იმისთვის, რომ სხვებმა ავტომობილი არ გააჩერონ, გამოეწერება ადმინისტრაციული ჯარიმა, რომელიც 350 ევროდან იწყება.

პარკირების ამკრძალავი ნიშნის კანონიერად დაყენება შესაძლებელია მხოლოდ პასუხისმგებელი ორგანოს მიერ გაცემული შესაბამისი ნებართვის შემთხვევაში და ძირითადად ეხება კერძო ავტოსადგომის ან გარაჟის კანონიერ შესასვლელსა და გამოსასვლელს. ამისთვის საჭიროა მუნიციპალიტეტში განაცხადის შეტანა და საჭირო დოკუმენტაციის წარდგენა.

საჯარო ქუჩა და პარკირების ადგილები კერძო საკუთრებას არ წარმოადგენს, ამიტომ სახლის წინ ყოველდღიურად ავტომანქანის გაჩერება არ ნიშნავს, რომ ადამიანს ამ სივრცეზე განსაკუთრებული უფლება აქვს. მუნიციპალიტეტებსა და საგზაო პოლიციას შეუძლიათ უკანონოდ განთავსებული ნიშნებისა და დაბრკოლებების მოხსნა და დამრღვევების დაჯარიმება.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *