სანტორინსა და ნაქსოსზე რესტორნები და ტურისტული ობიექტები დარღვევების გამო დაჯარიმდნენ
სანტორინსა და ნაქსოსზე რესტორნები და ტურისტული ობიექტები დარღვევების გამო დაჯარიმდნენ
საბერძნეთის საგადასახადო სამსახურმა ტურისტულად აქტიურ რეგიონებში მიზანმიმართულ შემოწმებებს აგრძელებს. მორიგი კონტროლის შედეგად, დარღვევები გამოვლინდა სანტორინისა და ნაქსოსის რამდენიმე ობიექტში.
სანტორინზე სამ სხვადასხვა ობიექტში შემოწმებამ აჩვენა, რომ საერთო ჯამში 17 ქვითარი, 35 154,10 ევროს ღირებულებით, არ იყო გაცემული. დარღვევების გამო ბიზნესებს საქმიანობის 48 საათით მუშაობის შეზღუდვა დაუწესდა.
შემოწმდა ასევე სანტორინის ერთ-ერთი ცნობილი რესტორანი, რომელიც პოპულარულია როგორც ღონისძიებების, ასებე სხვადასხვა ივენთების გამართვისთვისაც. გამოვლინდა, რომ არ იყო გაცემული 19 700 ევროს ღირებულების ინვოისი, რის გამოც ობიექტს ასევე 48-საათიანი შეზღუდვა დაუწესეს.
დარღვევები გამოვლინდა მინი-მარკეტებშიც, სადაც 15 300 ევროს ღირებულების ინვოისი არ იყო გაცემული.
ნაქსოსზე კი შემოწმების შედეგად მოკლევადიანი გაქირავების სამ შემთხვევაში სულ 97 საგადასახადო დარღვევა გამოვლინდა. არ გაცემული ქვითრების საერთო ღირებულებამ 118 795,45 ევრო შეადგინა. დარღვევებისთვის კომპანიებს კანონით გათვალისწინებული ფინანსური ჯარიმები დაეკისრათ.
AADE-ს განცხადებით, საგადასახადო შემოწმებები საბერძნეთის პოპულარულ ტურისტულ მიმართულებებში გაგრძელდება. უწყება იყენებს ციფრულ ინსტრუმენტებსა და მონაცემთა გადამოწმების მექანიზმებს, რათა გამოავლინოს გადასახადებისგან თავის არიდების შემთხვევები და გააძლიეროს საგადასახადო კანონმორჩილება.
