Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიUncategorized

ძლიერი აფეთქება პლაკაზე – ჩამოინგრა შენობა, მატერიალური ზიანი მიადგა მიმდებარე ტერიტორიაზე მდებარე შენობებს და ავტომობილებს

ძლიერი აფეთქება პლაკაზე – ჩამოინგრა შენობა, მატერიალური ზიანი მიადგა მიმდებარე ტერიტორიაზე მდებარე შენობებს და ავტომობილებს

ათენის ისტორიულ უბანში, პლაკაზე, ლისიკრატოსისა და ვასილისის ამალიას ქუჩების კვეთაზე, ძლიერი აფეთქების შედეგად შენობა ჩამოინგრა. დრონით გადაღებული კადრები შემთხვევის შედეგად გამოწვეული ზიანის მასშტაბს ასახავს.

აფეთქება დილის 7:30-ზე მოხდა და იმდენად ძლიერი იყო, რომ აფეთქების შედეგად წამოსულმა ტალღამ დააზიანა მიმდებარე ტერიტორიაზე როგორც შენობები, ასევე გაჩერებული ავტომანქანები. 

შემთხვევის ადგილზე მობილიზებულია სახანძრო სამსახურის ძალები. მეხანძრეები აფეთქების შედეგად გაჩენილი ხანძრის სრულ ლიკვიდაციაზე მუშაობენ და ჩამონგრეული შენობის ნანგრევებში სამძებრო სამუშაოებს ატარებენ. ადგილზე იმყოფება 20 მეხანძრე 6 სახანძრო მანქანით და EMAK-ის ორი სამაშველო მანქანა. სამუშაოებში ათენის მუნიციპალიტეტის ტექნიკაც მონაწილეობს.

დაზიანებული შენობა მოკლევადიანი გაქირავების ობიექტად გამოიყენებოდა. წინასწარი შეფასებით, აფეთქების შესაძლო მიზეზი ბუნებრივი აირის გაჟონვაა, თუმცა საბოლოო დასკვნა გამოძიების დასრულების შემდეგ გახდება ცნობილი. შემთხვევას ათენის სახანძრო სამსახურის შესაბამისი საგამოძიებო განყოფილება იძიებს.

ბუნებრივი აირის გაჟონვის ვერსიას ადგილობრივი მცხოვრებლებისა და თვითმხილველების ჩვენებებიც ამყარებს. მათი თქმით, აფეთქებამდე ტერიტორიაზე გაზის ძლიერი სუნი იგრძნობოდა.

ათენის მუნიციპალიტეტის სამშენებლო საკითხების ვიცე-მერის, პარის ხარლავტისის განცხადებით, შენობა მთლიანად განადგურებულია და გამოყენებისთვის უვარგისია. მისივე თქმით, საბოლოო დასკვნების გაკეთება მხოლოდ სპეციალისტების მიერ ჩატარებული შემოწმების დასრულების შემდეგ იქნება შესაძლებელი.

შემთხვევის შედეგად ახლომდებარე შენობიდან ორი ქალი დაშავდა. დაშავებულები საავადმყოფოში გადაიყვანეს. გავრცელებული ინფორმაციის თანახმად აფეთქების შედეგად ჩამსხვრეული მინის ნამსხვრევებისგან სხეულის დაზიანებები მიადგა კიდევ ერთ პირს.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *