ნიკოს კარველას საგადასახადო სამსახურის ინსპექტორებთან შელაპარაკება მოუვიდა

ნიკოს კარველას საგადასახადო სამსახურის ინსპექტორებთან შელაპარაკება მოუვიდა

საბერძნეთის დამოუკიდებელი საჯარო შემოსავლების სამსახურის (ΑΑΔΕ) ინსპექტორები მუსიკოსისა და კომპოზიტორის, ნიკოს კარველასის სახლში მივიდნენ, რათა მისთვის ბოლო ოთხი წლის საგადასახადო ვალდებულებებთან დაკავშირებული დოკუმენტი გადაეცათ.

მედიის ინფორმაციით, შემოწმების ფარგლებში ყურადღება გამახვილებულია 850 000 ევროს ოდენობის თანხაზე. საგადასახადო ორგანოები იკვლევენ მის წარმომავლობას და იმას, იყო თუ არა აღნიშნული თანხა წინა წლებში დეკლარირებული შემოსავალი.

გავრცელებული ცნობებით, დოკუმენტის პირადად ჩაბარებისას კარველასსა და ინსპექტორებს შორის სიტყვიერი დაპირისპირება მოხდა, რის შემდეგაც თანამშრომლებმა სახლი დატოვეს. დოკუმენტი მოგვიანებით ელექტრონულად გაიგზავნა. მოსალოდნელია დაგვიანებული საგადასახადო დეკლარაციის წარდგენაც.

გამოცემის ცნობით, ეს საკითხი წარსულ პერიოდებს ეხება და უშუალოდ ანნა ვისისის ბოლო კონცერტთან დაკავშირებული არ არის. ამასთან, შესაბამისი უწყებები ცალკე აგრძელებენ დიდი კონცერტების ფინანსური დოკუმენტაციის, შემოსავლების, ხარჯებისა და საგადასახადო ვალდებულებების შემოწმებას.

აღნიშნული ინფორმაცია მედიის მიერ გავრცელებულ ცნობებს ეყრდნობა.