როდოსზე ავტომობილების ქურდობისა და ბიზნესობიექტების გაქურდვის ბრალდებით ორი არასრულწლოვანი დააკავეს
როდოსზე ავტომობილების ქურდობისა და ბიზნესობიექტების გაქურდვის ბრალდებით ორი არასრულწლოვანი დააკავეს
კუნძულ როდოსზე პოლიციამ ავტომობილების ქურდობისა და კომერციული ობიექტების გაქურდვის ორი საქმე გახსნა. სამართალდამცველებმა ორი არასრულწლოვანი დააკავეს. გავრცელებული ინფორმაციის თანახმად საქმეში კიდევ ორი ახალგაზრდა ფიგურირებს.
პოლიციის ინფორმაციით, დაკავებულები 2026 წლის 30 ოქტომბერს როდოსის დანაშაულის წინააღმდეგ ბრძოლის დეპარტამენტის თანამშრომლებმა აიყვანეს. მათ წინააღმდეგ ქურდობის მუხლით სისხლის სამართლის საქმე აღიძრა, რომელშიც კიდევ ორი არასრულწლოვანია მოხსენიებული.
გამოძიების შედეგად დადგინდა, რომ ახალგაზრდებმა 2026 წლის 27-დან 30 ოქტომბრის ჩათვლით ერთი მოტოციკლი და ერთი მსუბუქი ავტომობილი მოიპარეს. გარდა ამისა, მათ როდოსზე მდებარე ორი კომერციული ობიექტი გატეხეს, საიდანაც ელექტრონული მოწყობილობები და თანხა მოიპარეს. მიყენებული ზარალის საერთო ღირებულება 400 ევროს შეადგენს.
დაკავებულების მფლობელობაში აღმოჩენილი მოპარული ნივთები პოლიციამ ანონიერ მფლობელებს დაუბრუნა.
დაკავებულები უახლოეს პერიოდში როდოსის პირველი ინსტანციის სასამართლოს პროკურატურაში წარდგებიან.
