იტალიის ძალოვანი სტრუქტურების მიერ ძებნილი, მაფიასთან კავშირში ბრალდებული 60 წლის მამაკაცი კუნძულ კორფუზე დააკავეს
60 წლის მამაკაცს, რომელიც დიდი ხნის მანძილზე იძებნებოდა და სავარაუდოდ იტალიურ მაფიასთან არის დაკავშირებული, პარასკევს (4/8) კუნძულ კორფუს უსაფრთხოების დირექტორატის თანამშრომლებმა ხელბორკილები დაადეს .
გავრცელებული ცნობით, მამაკაცს მისჯილი აქვს 14 წლით თავისუფლების აღკვეთა, ის სავარაუდოდ 2012 წელს იტალიიდან გაიქცა.
დაკავებული, როგორც ამბობენ, დაკავშირებულია იტალიურ მაფიოზურ ოჯახთან და ასრულებს “ბუღალტერის”, ანუ იმ პირის როლს, ვინც უკანონო კორპორაციული სქემებით ფულის გათეთრებას უდგას სათავეში. მისი სახელი იტალიის შინაგან საქმეთა სამინისტროს მიერ იტალიის ყველაზე საშიშ გაქცეულთა სიაში იყო შეტანილი.
დამნაშავის პოვნის მიზნით, შედგა თანამშრომლობა საბერძნეთის ხელისუფლებასა და ნეაპოლის ხელისუფლებას შორის. კარაბინიერების ჯგუფი ჩავიდა ათენში, რათა ახლოს ყოფილიყო გამოძიებასთან.
საბოლოოდ, ძალოვანი სტრუქტურის თანამშრომლებმა გუშინ, შაბათს, შეძლეს 60 წლის მამაკაცის პოვნა, როცა ის სახლს ტოვებდა გუვიას მიდამოში. მათ დაუყოვნებლივ დააკავეს იგი და შემდგომი მოქმედებისთვის საქვეუწყებო დირექციაში გადაიყვანეს.
