კრიტი: მძღოლი ავტომობილით კიბეზე აღმოჩნდა

კრიტზე, ირაკლიოში  მდებარე კულტურის ცენტრის თანამშრომლებს მოულოდნელი სანახაობა დახვდათ, როდესაც დღეს  დილით კიბეებზე „გაჩერებული“ მანქანა დაინახეს.

ავტომობილი , რომლის მძღოლიც ადგილზე  არ იმყოფებოდა, დერეფნის კიბეებზე იპოვეს, რომელიც ფეხით მოსიარულეებისთვის  კულტურის ცენტრის ატრიუმამდე გრძელდება, შემდეგ კი ცენტრის მიწისქვეშა ავტოსადგომის გასასვლელი და შესასვლელია  რომელიც არასამუშაო  საათებში დაკეტილია.

გავრცელებულ   ვიდეოში  დაფიქსირებულია,  თუ როგორ აღმოჩნდა მანქანა ამ პოზიციაზე.

როგორც ჩანს, მანქანის მძღოლს სხვა მანქანისთვის გვერდის აქცევა უნდოდა, მაგრამ არასწორად გათვალა და  მობრუნების შემდეგ კიბეზე აღმოჩნდა,  შემდეგ კი მანქანიდან  გადმოვიდა და შემთხვევის ადგილი დატოვა.

ადგილობრივი მედიის ცნობით, შემთხვევა ოთხშაბათს, საღამოს 9 საათზე მოხდა და მანქანის მძღოლი 23 წლისაა.