ატიკის მოედანზე ბინაში გაჩენილი ხანძრის შედეგად ჟურნალისტი ადონის ხრისულაკისი დაიღუპა
გლოვა გაზეთ “პარაპოლიტიკის” ჟურნალისტის ადონის ხრისულაკისის გარდაცვალების გამო. საშინელი ტრაგედია კვირა დილით, ატიკის მოედანზე, საცხოვრებელ ბინაში გაჩენილი ხანძრის შედეგად დატრიალდა, რა დროსაც ჟურნალისტი დაიღუპა.
ხანძარი, როგორც ჩანს, ბინის სამზარეულოში გაჩნდა. მამაკაცს სხეულზე დამწვრობის კვალი აღენიშნებოდა და სახლიდან გასასვლელის მიმართულებით, იატაკზე იწვა.
ადონის ხრისულაკისი გაზეთ „პარაპოლიტიკისთვის“ კრიმინალურ სიუჟეტებს ამზადებდა. ტრაგიკული დამთხვევაა, რომ გარდაცვლილი ჟურნალისტი თავის სიკვდილამდე დაახლოებით ორი საათით ადრე, თავის ბოლო სიუჟეტში ერთ-ერთ მიტოვებულ შენობაში გაჩენილ მორიგ ხანძარზე წერდა.
ტრაგიკული შემთხვევის გარემოებებს სახანძრო-სამაშველო სამსახური იძიებს.
ახალგაზრდა ჟურნალისტის, ადონის ხრისულაკისის ცხედარი შემთხვევის ადგილიდან სასწრაფო დახმარების მანქანით გადაასვენეს.
