ჩინეთი: დააკავეს ორი ადამიანი, რომლებიც ჩინეთის დიდ კედელს თხრიდნენ
ჩინეთის ხელისუფლებამ დააკავა ორი ადამიანი, რომლებიც ექსკავატორის გამოყენებით ჩინეთის დიდ კედელს თხრიდნენ.
შანქსის პროვინციაში პოლიცია მიჰყვა სათხრელი დანადგარების მიერ დატოვებულ კვალს, რომელსაც კედლის მონაკვეთზე ხვრელის გასაკეთებლად იყენებდნენ.
ეჭვმიტანილებმა დაკითხვისას აღიარეს, რომ გამოიყენეს ექსკავატორი კედელში პირდაპირი გასასვლელის გასაკეთებლად, რადგან შემოვლაზე დრო არ დაეკარგათ.
დიდი კედლის მშენებლობა, რომელიც დაყოფილი იყო სექციებად და მოიცავს ათასობით კილომეტრს, დაიწყო ჩვენს წელთაღრიცხვამდე III საუკუნეში. და გაგრძელდა საუკუნეების განმავლობაში. დაკავებულების მიერ გათხრილი მონაკვეთი დაახლოებით ექვსი საათის სავალზეა დასავლეთით პეკინიდან და თარიღდება ჩინეთის მინგის დინასტიით, მე-14-დან მე-17 საუკუნემდე.
გავრცელებული ცნობით, ეჭვმიტანილებმა მიაყენეს “შეუქცევადი ზიანი” მინგის ეპოქის კედელს, რომელიც ითვლება “შედარებით ხელუხლებელ” განყოფილებად, მნიშვნელოვანი კვლევის ღირებულებით.
