ცნობილი პედოფილი ციხიდან გაათავისუფლეს

კალათბურთის მწვრთნელი, ნიკოს სირაგაკისი, რომელსაც 36 არასრულწლოვანის მიმართ ჩადენილი ძალადობისთვის 401 წლით( სასჯელის შეკრებითობის პრინციპით) თავისუფლების აღკვეთა ჰქონდა მისჯილი,   25 წლის შემდეგ, უზენაესი სასამართლოს შუამდგომლობის საფუძველზე, ვადაზე ადრე გაათავისუფლეს.

დამნაშავე გათავისუფლდა გარკვეული პირობებით.

კერძოდ, მას აეკრძალა  ცხოვრება არა მხოლოდ რეთიმნოში, სადაც ჩაიდინა დანაშაული, არამედ მთელს კრეტაზე. აეკრძალა ასევე არასრულწლოვან პირებთან ნებისმიერი სახის კონტაქტი.

ის ასევე ვალდებულია თვეში ორჯერ გამოცხადდეს მის საცხოვრებელთან ყველაზე ახლოს  მდებარე  პოლიციის  განყოფილებაში.

პირველად სირაგაკისი 3წლის წინ, 2020 წლის აპრილში გაათავისუფლეს, თუმცა ამ ფაქტმა ადგილობრივ საზოგადოებაში  და მის მსხვერპლთა ახლობლებში    ძლიერი უკმაყოფილება და აღშფოთება  გამოიწვია, ამასთანავე იმავდროულად მან დაარღვია გათავისუფლების პირობები,  რის შედეგადაც იგი ხელახლა იქნა დაკავებული  და გადაყვანილი ტრიპოლის ციხეში, საიდანაც სულ ცოტა ხნის წინ  ხელახლა გაათავისუფლეს.