დიდი ბრიტანეთი: მამა და ბიძა 10 წლის გოგონას მკვლელობაში ეჭვმიტანილთა შორის არიან

ბრიტანეთის პოლიციის განცხადებით სამ ადამიანს წარედგინა ბრალი 10 წლის პაკისტანელი გოგონას სარა შარიფის მკვლელობაში, რომელიც გასულ თვეში საკუთარ სახლში გარდაცვლილი იპოვეს. ამ პირებს შორის არის გოგონას მამაც.

შარიფი 10 აგვისტოს ლონდონის სამხრეთ-დასავლეთით მდებარე ქალაქ ვოკინგში საკუთარ სახლში გარდაცვლილი იპოვეს.

გაკვეთამ აჩვენა, რომ მას მრავლობითი დაზიანებები ჰქონდა მიყენებული.

მისი მამა, 41 წლის ურფან შარიფი, მისი პარტნიორი ბაინას ბათული და გოგონას 29 წლის ბიძა ცხედრის პოვნამდე ერთი დღით ადრე გაემგზავრნენ პაკისტანში.

სამივე მათგანი გუშინ უკან დაბრუნდა ბრიტანეთში და ისინი  ლონდონის აეროპორტში დუბაის რეისის ჩამოსვლისთანავე დააკავეს.

პოლიციის განცხადებით სამივე მათგანს ბრალი ედება განზრახ მკვლელობაში და სავარაუდოდ დღეს მათ სასამართლოში გადაიყვანენ.