Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
მსოფლიო

იტალია: არალეგალი მიგრანტების ნავზე ქალმა იმშობიარა- ახალშობილი გარდაიცვალა

ლამპედუზაში (იტალია, სიცილიის რეგიონი) ღამით, შვიდი სხვადასხვა პატარა ნავით, აფრიკიდან სულ მცირე, 225 ადამიანი ჩავიდა, რომლებიც ადგილობრივმა პოლიციამ და სანაპირო დაცვის საპატრულო ეკიპაჟმა პორტში გადაიყვანა.

მიგრანტთა ნავზე გარდაცვლილი ახალშობილის ცხედარი აღმოჩნდა, როგორც ჩანს დედამ ზღვაში, ნავზე იმშობიარა, მაგრამ ახალშობილის გადარჩენა ვერ მოხერხდა.

დედას მშობიარობა ნავზე დაეწყო, რომელსაც დახმარებას ნავზე მყოფი ადამიანები უწევდნენ თუმცა ახალშობილი გარდაიცვალა. ბორტზე ორმოცამდე ადამიანი იმყოფებოდა. ქალი სასწრაფო დახმარების მანქანით კუნძულზე არსებულ კლინიკაში გადაიყვანეს.

დაახლოებით 126,000 მიგრანტი ჩავიდა იტალიაში მიმდინარე წელს, რაც დაახლოებით ორჯერ მეტია 2022 წლის მდგომარეობასთან შედარებით.

მოხალისეები და პერსონალი აწვდიდნენ საკვებს ათასობით ადამიანს და ეხმარებოდნენ ახალჩასულების სიცილიაში და სხვა რეგიონებში გადაყვანაში.

ჩრდილოეთ აფრიკის ქვეყანა გახდა მთავარი გასასვლელი პუნქტი აფრიკელი მიგრანტებისთვის, რომლებიც ევროპაში გადასვლას ცდილობენ.

ევროკავშირის შეთანხმება, რომელიც ივლისში გაფორმდა, მხარს უჭერს 110 მილიონი ევროს  გამოყოფას მიგრანტთა კონტრაბანდის შესაჩერებლად, საზღვრების გასაძლიერებლად და მათ დასაბრუნებლად.

მიგრანტთა ნაკადის მატებამ ლამპედუზას მაცხოვრებლების პროტესტი გამოიწვია, რომლებიც აპროტესტებდნენ მიგრანტების მასპინძლობისთვის ახალი კარვების ბანაკის აშენების გეგმებს.

“სახლში ორი შვილი მყავს. გასულ წლებში ეს საკითხი არ მაინტერესებდა. ახლა კი ჩემი შვილების დაცვის ინსტინქტი მამოძრავებს, რადგან არ ვიცი რა ბედი ელის ლამპედუზას მომავალში,”- განუცხადა აქციის მონაწილემ საინფორმაციო სააგენტო Reuters-ს.

“ლამპედუზა ამბობს შეჩერდი! ჩვენ არ გვინდა კარვების ბანაკები. ეს გზავნილია ევროპისთვის და იტალიის მთავრობისთვის. ლამპედუზას მოსახლეობა დაიღალა”, – ამბობენ მომიტინგეები.

 

 

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *