მაროკოში ჯიჰადისტურ ორგანიზაციებთან კავშირში ეჭვმიტანილი ათობით პირი დააკავეს
მაროკოს სხვადასხვა რეგიონში ანტიტერორისტული ოპერაციის ფარგლებში ჯიჰადისტურ ორგანიზაციებთან კავშირში ეჭვმიტანილი 50-მდე პირი იქნა დაკავებული, იტყობინება მაროკოული მედია უსაფრთხოების წყაროებზე დაყრდნობით.
ამავე წყაროს ცნობით, მათგან 21 პროკურატურის ბრძანებით პოლიციამ დააკავა.
ამბობენ, რომ დაკავებულებმა ჯიჰადისტური ორგანიზაციების, ალ-ქაიდას და ისლამური სახელმწიფოს ერთგულების ფიცი დადეს .
მაროკოს უსაფრთხოების ძალების წყაროების ცნობით, ოპერაციის ფარგლებში ამოღებულია დანები და ასაფეთქებელი მოწყობილობების დამზადების მეთოდებთან დაკავშირებული დოკუმენტები.
მიუხედავად იმისა, რომ ბოლო წლებში მაროკოში ჯიჰადისტური თავდასხმები არ ყოფილა, უსაფრთხოების სამსახურები რეგულარულად აცხადებენ, რომ ისინი ახორციელებენ ანტიტერორისტულ ოპერაციებს ქვეყანაში ექსტრემისტული ბირთვების დემონტაჟისთვის.
