ბრაზილია: ამაზონზე ავიაკატასტროფის შედეგად 14 ადამიანი დაიღუპა

ბრაზილიის შტატ ამაზონასში, ტურისტულ ქალაქ ბარსელოსში შაბათს თვითმფრინავის ჩამოვარდნის შემდეგ თოთხმეტი ადამიანი-თორმეტი მგზავრი და ეკიპაჟის ორი წევრი დაიღუპა.

ბარსელოსი მდებარეობს შტატის დედაქალაქ მანაუსიდან ჩრდილოეთით დაახლოებით 400 კილომეტრში.

გავრცელებული ინფორმაციით, თვითმფრინავი იყო EMB-110, ორძრავიანი ტურბოპროპი, რომელიც წარმოებულია ბრაზილიის საავიაციო ინდუსტრიის Embraer-ის მიერ.

ზოგიერთი ბრაზილიური მედიაწყაროს ცნობით, მსხვერპლთა შორის აშშ-ის მოქალაქეებიც არიან, თუმცა ეს ოფიციალურად ამ დრომდე არ დადასტურებულა.

ადგილობრივ საინფორმაციო ვებსაიტზე განთავსებული განცხადების თანახმად, მგზავრები იყვნენ ბრაზილიელები, რომლებიც მიემგზავრებოდნენ ამ მხარეში თევზაობის შეჯიბრში მონაწილეობის მისაღებად.