ლონდონი: პოლიციამ ცნობილი თურქი დიჯეის მკვლელობის საქმე გახსნა

ლონდონის პოლიციამ გახსნა ცნობილი თურქი დიჯეის მეჰმედ კორაი ალპერგინის საქმე, რომელიც ლონდონში სასტიკი წამების და მკვლელობის მსხვერპლი გახდა.

43 წლის დიჯეი 34 წლის შეყვარებულთან ერთად გაიტაცა ექვსმა კაცმა ტოტენჰემ ჰოტსპურის სტადიონის მიმდებარე ტერიტორიიდან 2022 წლის 13 ოქტომბერს.

სასტიკად ნაწამები დიჯეის შიშველი ცხედარი ტყეში დაგდებული იპოვეს. გარეგანი დათვალიერებისას აშკარად ჩანდა, რომ ის ნაცემი იყო მძიმე საგნით, ჰქონდა დანით მიყენებული ჭრილობები და სხეულზე მდუღურე წყალი გადასხმული. ცხედარი შემთხვევით იპოვა გამვლელმა, რომელიც ძაღლს ასეირნებდა. მისი შეყვარებული კი ორი დღის განმავლობაში იმ ბარის ტუალეტში იყო გამოკეტილი, სადც ის გამტაცებლებმა მიიყვანეს.

ექვს მამაკაცს ბრალად ედება მკვლელობა, გატაცება და გამოძიებისთვის ცრუ ჩვენებების მიცემა. პროკურატურა ამტკიცებს, რომ კორაი ალპერგინი გაიტაცეს და აწამეს დასჯის მიზნით, მისგან გარკვეული ინფორმაციის მისაღებად, სავარაუდოდ ეს უკავშირდება ნარკოტიკების ან ფულის ადგილსამყოფელს- რისი გაგებაც მის გამტაცებლებს სურდათ. აშკარაა რომ თავდასხმა დაკავშირებულია ორგანიზებულ დანაშაულთან და ნარკოტიკებთან, თუმცა ბრალდებულებმა უარყვეს რაიმე სახის მონაწილეობა დიჯეის მკვლელობაში.