ინდონეზია: ორი წლით თავისუფლების აღკვეთა მიუსაჯეს ქალს, რომელმაც ისლამური ლოცვა წარმოთქვა ღორის ხორცის ჭამამდე.

ინდონეზიაში 33 წლის მუსლიმ ქალს ორი წლით თავისუფლების აღკვეთა მიუსაჯეს TikTok-ზე გამოქვეყნებული ვიდეოსთვის, რომელშიც ისმის ისლამური ლოცვა მანამდე, სანამ ის ღორის ხორცს მიირთმევს.

სასამართლოს გადაწყვეტილებით, ლინა ლუთფიავატი რელიგიური ჯგუფებისა და ცალკეული პირების მიმართ ” სიძულვილის გაღვივებაში” სცნეს დამნაშავედ.

სასამართლომ ის დაახლოებით 15 000 ევროს ოდენობის თანხით დააჯარიმა იმ პირობით, რომ თუ აღნიშნულ თანხას სამი თვის განმავლობაში არ გადაიხდის, მაშინ TikToker-ს გაგზავნიან საკანში.

აღნიშნული ვიდეო გამოქვეყნდა მარტში, სადაც მან გამოიყენა სიტყვა “ბისმილაჰ” რაც ნიშნავს “ალაჰის სახელით” ღორის ხორცის ჭამამდე, რაც მუსლიმებისთვის აკრძალულია.

ქალი ამტკიცებს, რომ ღორის ხორცი ბალიზე ყოფნისას ცნობისმოყვარეობის გამო შეჭამა. მის შესახებ პოლიციას შეატყობინა ერთ-ერთმა მათგანმა მათ შორის, ვინც აღნიშნული ვიდეო ნახა.

როგორც BBC იუწყება, ინდონეზიაში რამდენიმე კონსერვატიულმა ჯგუფმა აღნიშნული ვიდეო ” ღვთის გმობად” შეაფასა.