მონადირეების მიერ სროლის შედეგად მძიმედ დაშავდა 69 წლის მამაკაცი-მისი ცხენი მკვდარი იპოვეს
ალბანური წარმოშობის 69 წლის მამაკაცი მძიმე დაზიანებებით არტას საავადმყოფოში იქნა გადაყვანილი მას შემდეგ, რაც მონადირეების მიერ სროლის შედეგად დაშავდა.
გავრცელებული ინფორმაციით, მესოპირგოსის რაიონის მაცხოვრებელი მამაკაცი ცხენთან ერთად იმყოფებოდა ახელოოსის ნაპირზე, კარდიცას მხარეს, რა დროსაც ის აღნიშნულ ტერიტორიაზე შემთხვევით გამვლელმა დაშავებული იპოვა, ხოლო მის გვერდით მკვდარი ცხენი ეგდო. ამ დრომდე არ არის ცნობილი ცხენი მონადირეების მიერ ნასროლმა ბრმა ტყვიამ იმსხვერპლა, თუ მიზანმიმართულად იყო ნასროლი.
შემთხვევის ადგილზე სასწრაფოდ მივიდა პოლიცია და სასწრაფო დახმარების ბრიგადა, რომელმაც დაშავებული 69 წლის მამაკაცი არტას საავადმყოფოში გადაიყვანა.
საქმეზე წინასწარ გამოძიებას კარდიცას უშიშროების დეპარტამენტი აწარმოებს, ხოლო პოლიცია მონადირეთა ჯგუფის დასადგენად საგამოძიებო მოქმედებებს ატარებს.
