სროლები მანდრაში: დაკავებულია 10 ადამიანი
განგაში გამოცხადდა ოთხშაბათს ღამის 20:00 საათზე მანდრას რაიონში, მაცხოვრებლების მიერ სროლების შესახებ პოლიციაში განხორციელებული ზარის შემდეგ.
შემთხვევის ადგილზე მისულმა პოლიციამ შუა გზაზე დაგდებული პისტოლეტი იპოვა.
მანდრაში, დიგენი აკრიტის ქუჩაზე მომხდარი ინციდენტის გამო დაუყოვნებელი მოქმედების ცენტრში გამოძახება 20:05 საათზე დაფიქსირდა. ადგილზე მისულმა სამართალდამცავებმა ბოშათა ორი ჯგუფი აღმოაჩინეს, რომლებსაც სავარაუდოდ ერთმანეთთან უთანხმოების ნიადაგზე დაპირისპირება ჰქონდათ.
ოთხი ადამიანი შემთხვევის ადგილიდან მიიმალა, რომლებიც არ დაემორჩილნენ პოლიციის მოწოდებას შეჩერებულიყვნენ და გაქცევის დროს ჰაერში ესროლეს.
საბოლოოდ, პოლიციის მიერ განხორცილებულ ოპერაციას ათი პირის დაკავება მოჰყვა.
პოლიციის მიერ ქუჩაში ნაპოვნი პისტოლეტი კრიმინალური ლაბორატორიის ექსპერტიზაზეა გადატანილი, რათა დადგინდეს გამოყენებულია თუ არა ის სხვა რომელიმე დანაშაულის ჩადენის დროს.
