დაშორების შემდეგ მამაკაცმა შურისძიების მიზნით ყოფილი პარტნიორის ძაღლი მოკლა
ბოლო რამდენიმე დღეა მიმდინარეობს დაპირისპირება წყვილს შორის, რომლებმაც საკმაოდ მტკივნეული გზით გადაწყვიტეს დაშორება, რასაც პოლიციაში და სასამრთლოში წარდგენილი მათი საჩივრების შინაარსი მოწმობს.
2023 წლის 23 სექტემბერს სეპოლიის მკვიდრი 40 წლის ქალი პოლიციაში გამოცხადდა და განაცხადა, რომ 21 სექტემბერს, დილის საათებში, გაურკვეველმა პირმა საცხოვრებელი კორპუსის პირველი სართულზე მისი ბინის აივანზე, სადაც ის ორ ქალიშვილთან ერთად ცხოვრობს, საკვებისა და შუშის ნამსხვრევებისგან დამზადებული ბურთულები მიზანმიმართულად დაყარა, რომელიც შემდეგ მისმა შინაურმა პუდელმა შეჭამა.
მოზარდებმა დაინახეს, რომ ძაღლმა ბურთულები შეჭამა და მაშინვე შეატყობინეს დედას, მას შემდეგ რაც ძაღლი სასწრაფოდ ვეტერინართან წაიყვანეს.
ვეტერინარის გადაწყვეტილებით ძაღლი, რომელიც მძიმე მდგომარეობაში იყო, მოათავსეს ატიკის ცხოველთა საავადმყოფოში შემდგომი გამოკვლევების ჩასატარებლად.
ექიმებმა აცნობეს შინაური ცხოველის პატრონს, რომ ვინც ეს საზარელი საქციელი ჩაიდინა, მისი განზრახვა ძაღლის მოკვლა იყო.
სარჩელში ქალი მიუთითებს მის 25 წლიან ურთიერთობაზე ყოფილ პარტნიორთან და როგორც ამბობს, ინციდენტამდე ორი დღით ადრე ისინი დაშორდნენ. ქალი ამტკიცებს, რომ სწორედ მისმა ყოფილმა პარტნიორმა დაყარა მის აივანზე საკვები ძაღლის მოსაკლავად.
როგორც სარჩელშია აღნიშნული, ძაღლის პატრონმა გამოიყენა მისი მეორე გასაღები და მალულად შევიდა თავისი ყოფილი პარტნიორის ბინაში, სადაც აბაზანაში და დერეფანში მინის ნატეხები იპოვა, რომელიც იდენტური იყო იმ ნამსხვრევებისა, რომელიც ძაღლმა საკვებში შერეული შეჭამა.
