“წითელი განგაში” საბერძნეთის თავდაცვის სამინისტროში და ანტიტერორისტულ სამსახურში-გაზრდილი შემოწმებები აეროპორტებში და ებრაული სამიზნეების გაძლიერებული დაცვა

ისრაელში განვითარებული მოვლენების კვალდაკვალ საბერძნეთის უშიშროების და ანტიტერორისტულმა სამსახურმა მოითხოვა დაცვის ზომების გაძლიერება ებრაული სამიზნეების ირგვლივ და ისრაელის საელჩოს მოთავსება მკაცრი უსაფრთხოების კორდონის ქვეშ.

გავრცელებული ინფორმაციით, გეგმა, რომელიც EL.AS-ის შტაბმა შეადგინა მოძრაობს სამი ძირითადი ღერძის გარშემო.

ამ გეგმის პირველი ღერძია ეროვნული დაზვერვის სამსახურის საინფორმაციო ქსელის მაქსიმალური გააქტიურება. ამავდროულად საბერძნეთის მასშტაბით მიზანმიმართული ზომები იქნება მიღებული განსახლების ცენტრებში, სადაც დროებით ათავსებენ მუსლიმებს. ამავდროულად ათობით ადამიანი პალესტინიდან, რომლებიც გადაადგილდებიან დედაქალაქში და გასულ კვირამდე მარტივი მეთვალყურეობის ქვეშ იმყოფებოდნენ, ასევე მჭიდრო კორდონში მოათავსეს.

აღნიშნული გეგმის მეორე ღერძია გაძლიერებული კონტროლი საბერძნეთის აეროპორტებში. ახლო აღმოსავლეთის ქალაქებიდან საბერძნეთის ტერიტორიაზე საჰაერო გზით ჩამოსული ყველა მგზავრი საფუძვლიანად შემოწმდება.

და ბოლოს, რაც შეეხება გეგმის მესამე ღერძს, ეს ეხება ისრაელისა და ებრაული ინტერესების დაცვას. უკვე მკვეთრად გაიზარდა კიფისიის გამზირზე განთავსებული ისრაელის საელჩოს დაცვა. ფართო ტერიტორია აყვანილია 24 საათიან პატრულირებაზე. ამავდროულად გაძლიერდა ზომები ებრაულ ბიზნეს ობიექტებზე ათენში და განსაკუთრებით თესალონიკში, სადაც დიდი ებრაული დიასპორაა.