დღეს ისრაელიდან საბერძნეთის 90 მოქალაქის რეპატრიაცია განხორციელდა

საბერძნეთის საგარეო საქმეთა სამინისტროს განცხადებით დღეს, სამშაბათს, ისრაელის ავიახაზების რეისით  ისრაელიდან და პალესტინიდან საბერძნეთის 90 მოქალაქე დაბრუნდა.

ასევე ხვალ, 11 ოქტომბერს, ისრაელიდან რეპატრიაციის მსურველი ბერძენი მოქალაქეების დასაბრუნებლად სპეციალური რეისი იგეგმება.

საგარეო საქმეთა სამინისტრო ყველა ღონეს ხმარობს, რომ ისრაელიდან დაბრუნების მსურველი ბერძენი მოქალაქეების რეპატრიაცია უსაფრთხოდ და მშვიდობიანად განხორციელდეს.