არგოსში მეორე მსოფლიო ომის დროს დამალულ განძს ეძებენ

დღეს, 17 ოქტომბერს არგოსში, არგოს-კუცოპოდის საგზაო მონაკვეთის მიმდებარე ტერიტორიაზე კერძო პირების მიერ დაფინანსებულმა ჯგუფმა  ექსკავატორებით თხრა დაიწყო. ისინი ეძებენ განძს, რომელიც მათი თქმით ამ ადგილას მეორე მსოფლიო ომის დროს დამალეს.

გავრცელებული ინფორმაციით, იმავე ჯგუფმა მიმდებარე ტერიტორიაზე გათხრების ჩატარების ნებართვა ოთხი წლის წინ, 2019 წლის ოქტომბერშიც მოითხოვა, თუმცა უშედეგოდ.

ამჯერად ჯგუფმა მიიღო გათხრების დაწყების ნებართვა შესაბამისი სამსახურის მიერ არქეოლოგებისა და არგოსის უშიშროების თანამშრომლების თანდასწრებით, იმ პირობით, რომ თუ სასურველი შედეგი არ დადგება, მომდევნო დღეებში გათხრები უნდა შეწყვიტონ.

ინფორმაციის თანახმად, ისინი ეძებენ ინგლისურ ლირებს, რომელიც მათი აზრით დამალულია მეორე მსოფლიო ომის დროს. ხანდაზმული მამაკაცის ჩვენებაში ნათქვამია, რომ მრავალი წლის წინ ამ ადგილას იმავე განძს ინგლისელებიც ეძებდნენ.