ლარისა: “ფრონტისტირიოს” თანამშრომელმა მოსწავლეების მიერ გადახდილი სწავლის საფასურიდან 30 000 ევრო მიითვისა

ლარისაში პოლიციამ დააკავა 41 წლის ქალი, რომელიც ბოლო რამდენიმე წელი ერთ-ერთ “ფრონტისტირიოში” მდივნად მუშაობდა. ის მოსწავლეების მიერ გადახდილი სწავლის საფასურიდან ნაწილს იპარავდა, რადგან პასუხისმგებელი იყო მშობლების მიერ სწავლის საფასურის გადახდაზე.

თანხის ოდენობამ, რომლის მითვისებაც მან მოახერხა, 30 000 ევრო შეადგინა. გავრცელებული ინფორმაციით, 41 წლის ქალი თანხას 2022 წლის აგვისტოდან სისტემატიურად იპარავდა.

ჩხრეკის შედეგად პოლიციამ მის კაბინეტში 690 ევრო აღმოაჩინა, რის შემდეგაც ქალმა აღიარა დანაშაული და დაზარალებულებს კომპენსაციის სახით 30 000 ევრო გადაუხადა.

დაკავებული მოგვიანებით პროკურორის სიტყვიერი ბრძანების საფუძველზე გაათავისუფლეს.