აღდგომის დღეებში საგზაო პოლიცია უსაფრთხოების გაძლიერებულ ზომებს მიმართავს

აღდგომის დღესასწაულთან დაკავშირებით გაზრდილი საგზაო მოძრაობის  გამო, მოსახლეობის უსაფრთხო გადაადგილებისა და უბედური შემთხვევების თავიდან აცილების მიზნით, საბერძნეთის პოლიცია 7აპრილიდან 23 აპრილამდე,  ქვეყნის საგზაო ქსელში უსაფრთხოების  გაძლიერებულ ზომებს მიმართავს.

საგზაო ქსელის პოლიციის სტრატეგიული დაგეგმვის შტაბის შესაბამისი განცხადების საფუძველზე განხორციელდება შემდეგი ღონისძიებები:

გაძლიერდება მეთვალყურეობა მსხვილი ურბანული ცენტრების შესასვლელ- გასასვლელებში, სადაც შეინიშნება მანქანების დიდი მოძრაობა.

დარეგულირდება სატრანსპორტო მოძრაობა  გზაჯვარედინებზე, რათა თავიდან იქნას აცილებული საცობები.

მოხდება მძღოლებისა და მგზავრების ინფორმირება და შესაბამისი მითითებების მიცემა პრობლემურ სიტუაციებში, საჭიროების შემთხვევაში.

აღდგომის დღეებში აკრძალული იქნება  3,5 ტონაზე მეტი ტვირთამწეობის ავტოტრანსპორტის მოძრაობა ქალაქში.

გარდა ზემოაღნიშნული ღონისძიებებისა, საბერძნეთის პოლიცია მოქალაქეებს ურჩევს გამგზავრებამდე აუცილებლად ჩაატარონ ავტომობილის ტექნიკური დათვალიერება და ინფორმირებული იყვნენ საგზაო ქსელის მდგომარეობასა და მეტეოროლოგიურ პირობებზე.

ზედმიწევნით შეასრულონ საგზაო პოლიციის მითითებები, ავტომობილის მართვის დროს არ გამოიყენონ მობილური ტელეფონები და სხვა  მოწყობილობები, არ მართონ ავტომობილი ნასვამ მდგომარეობაში, აუცილებლად გამოიყენონ უსაფრთხოების ღვედები და მოცურების საწინააღმდეგო ჯაჭვები მოძრაობის განსაკუთრებულ პირობებში.