Marfin-ის საქმეში ბრალდებული 46 წლის ქალი უახლოეს დღეებში საბერძნეთში ჩავა
Marfin-ის საქმეში ბრალდებული 46 წლის ქალი უახლოეს დღეებში საბერძნეთში ჩავა
დიდ ბრიტანეთში დაკავებული 46 წლის ქალი, რომელსაც საბერძნეთის ხელისუფლება 2010 წელს „Marfin“-ის ბანკში მომხდარ სასიკვდილო ხანძარიხ გაჩრნაში ადანაშაულებს, უახლოეს დღეებში საბერძნეთში ჩავა.
46 წლის ქალი გეტვიკის აეროპორტში, საბერძნეთის მიერ გაცემული საერთაშორისო დაკავების ორდერის საფუძველზე დააკავეს. ვესტმინსტერის სასამართლოში წარდგენისას მან განაცხადა, რომ ექსტრადიციის გასაჩივრებას არ აპირებს და თანახმაა საბერძნეთში დაბრუნდეს, სადაც გამომძიებლის წინაშე ჩვენებას მისცემს.
ბრალდებულის ადვოკატის განცხადებით, 46 წლის ქალი ბრალს არ აღიარებს და თავს უდანაშაულოდ მიიჩნევს. ხელისუფლებისთვის ცნობილი გახდა, რომ მას შემდეგ, რაც მისი ძებნის შესახებ ინფორმაცია გავრცელდა, თავად ბრალდებული აცხადებდა, რომ საბერძნეთში დაბრუნებას გეგმავდა.
ბრიტანეთის მოქმედი კანონმდებლობის თანახმად, ბრალდებულის საბერძნეთში ექსტრადიცია მომდევნო 10 დღის განმავლობაში მოხდება.
