აგრინიო: უცნობი პირები ჯაშუშობდნენ მუნიციპალური კომპანიის პრეზიდენტს

ჯაშუშობის უცნაურ საქმეს იძიებს ადგილობრივი პოლიცია აგრინიოში მას შემდეგ, რაც აღმოაჩინეს ვიდეო და აუდიო ჩამწერი მოწყობილობა, რომელიც წყალმომარაგებისა და კანალიზაციის მუნიციპალური კომპანიის პრეზიდენტის კაბინეტში იყო განთავსებული და ტრანსფორმატორს ჰგავდა.

თავად DEYA-ს პრეზიდენტმა, იანის ფარმაკისმა, როდესაც  შეიტყო მოწყობილობის არსებობის შესახებ, რომელიც ჯერჯერობით უცნობია რამდენ ხანს იყო მის ოფისში განთავსებული, დაურეკა დაცვას, რომელმაც ამოიღო იგი, რათა გაეგზავნა ჯერ სასამართლო ლაბორატორიაში, თითის ანაბეჭდების ასაღებად და დნმ-ის იდენტიფიცირების მიზნით, შემდეგ კი  კიბერდანაშაულის განყოფილებაში, შემდგომი გამოძიებისთვის.

როგორც ცნობილი გახდა, მოწყობილობა არ გადასცემდა ცოცხალ გამოსახულებას და ხმას, არამედ ინახავდა ფაილებს მოწყობილობაში არსებულ მეხსიერების ბარათზე, რომელსაც შემდგომ ამოიღებდნენ. უცნობი პირების მიმართ პერსონალური მონაცემების დარღვევის ფაქტზე უკვე აღძრულია საქმე და წინასწარი გამოძიება მიმდინარეობს.