აშურა: სისხლიანი რიტუალი 

აშურა: სისხლიანი რიტუალი 

დღეს საბერძნეთში მცხოვრები შიიტი მუსლიმები აშურას, ერთ-ერთ ყველაზე მნიშვნელოვან და ემოციურ რელიგიურ დღეს აღნიშნავენ.

ეს დღე მუჰამედის მემკვიდრეების, ფატიმასა და ალის (ფატიმა – მუჰამედის ქალიშვილი, ალი ბიძაშვილი და სიძე, მეოთხე და უკანასკნელი ხალიფა, რომელსაც მუჰამედმა სამოთხე აღუთქვა) ვაჟის, ჰუსაინის მოსახსენიებელი დღე, რომელიც 680 წლის 10 ოქტომბერს (61 წ. 10 მუჰარამის) ქარბალასთან ომაიანებთან. ბრძოლაში ის თავის ძმა აბასთან და 70 თანამებრძოლთან ერთად, ტრაგიკულად დაიღუპა.

გლოვა 10 დღე გრძელდება და მისტერია „თა’ზია“ კულმინაციას ბოლო დღეს აღწევს.

ცერემონია თავდაპირველად საერთო ლოცვებით დაიწყო. მონაწილეები რიტმულად ირტყამდნენ ხელებს მკერდზე, რაც გლოვისა და პატივისცემის გამოხატულებაა. მოგვიანებით რიტუალის ყველაზე მძიმე ნაწილი დაიწყო, ზოგიერთმა მორწმუნემ ტრადიციული თვითგვემის რიტუალი შეასრულა სპეციალური მათრახებით, რის შედეგადაც მათ სხეულზე ჭრილობები და სისხლჩაქცევები გაუჩნდათ.

რიტუალის მიმდინარეობისას თემის პასუხისმგებელი წევრები ყურადღებით აკონტროლებდნენ პროცესს. ისინი საჭიროების შემთხვევაში აჩერებდნენ მონაწილეებს, თუ დაზიანებები ზედმეტად ღრმა ხდებოდა, ასევე აწვდიდნენ წყალსა და წვენებს ძლიერი სიცხისგან თავის დასაცავად.