დღეს, 6 აგვისტოს ლაკი ხალკია დაკრძალეს
დღეს, 6 აგვისტოს ლაკი ხალკია დაკრძალეს
დღეს, 6 აგვისტოს 12 საათზე წმინდა თეოდორეს ტაძრიდან ლაკი ხალკია გაასვენეს.
ყველასათვის საყვარელი ხელოვანის ცხედარი ტაძარში დილის 10 საათიდან იყო დასვენებული, რათა საბერძნეთის მოქალაქეებს შეძლებოდათ მასთან გამომშვიდობება.
გარდაცვლილის ოჯახისწევრებმა მეგობრებს, ნათესავებს და ხელოვანის გულშემატკივრებს მოუწოდეს გვირგვინების შეძენის ნაცვლად თანხა შშმ პირების დაცვისა და რეაბილიტაციის ცენტრში გადარიცხონ ანგარიშის ნომრებზე: (ΕΛΕΠΑΠ), ΙΒΑΝ:GR2701401150115002002018609, Κωδικός Τράπεζας (BIC): CRBAGRAA.
შეგახსენებთ, რომ ლაკის ხალკიასი, ბერძნული ტრადიციული მუსიკის ერთ-ერთი ყველაზე მნიშვნელოვანი წარმომადგენელი, 82 წლის ასაკში გარდაიცვალა.
ხალკიასი ქალაქ იანინაში დაიბადა და ცნობილი მუსიკოსების ოჯახის წევრი იყო, რომელმაც ბერძნული ხალხური მუსიკის განვითარებაში მნიშვნელოვანი წვლილი შეიტანა. მუსიკით ბავშვობიდან იყო გატაცებული, 16 წლის ასაკში უკვე პროფესიონალი მუსიკოსი გახდა, ხოლო 18 წლისამ პირველი ჩანაწერი გააკეთა.
მისი გამორჩეული ხმა და უნიკალური შესრულების სტილი განსაკუთრებულ ყურადღებას იპყრობდა. კარიერის განმავლობაში იგი ასრულებდა როგორც იპიროსის ტრადიციულ სიმღერებს, მათ შორის გლოვის საგალობლებსა და ემიგრაციაზე შექმნილ ნაწარმოებებს, ისე ბერძენი კომპოზიტორების კლასიკურ მუსიკალურ ნაწარმოებებს.
მრავალწლიანი შემოქმედებითი საქმიანობის განმავლობაში ლაკის ხალკიასი თანამშრომლობდა ბერძნული მუსიკის არაერთ ლეგენდასთან, მათ შორის სოტირია ბელუ, სტელიოს კაზანძიდისი, ნიკოს ქსილურისი და მიკის თეოდორაკისთან.
ლაკის ხალკიასმა ბერძნულ მუსიკალურ კულტურაში მნიშვნელოვანი კვალი დატოვა და მისი შემოქმედება მომავალ თაობებსაც შთააგონებს.
