თანოს პლევრის: არ მივყვებით მემარცხენეების მითითებებს – ბინადრობის მოწმობის აღდგენის წინაპირობებს არ შევცვლით
თანოს პლევრის: არ მივყვებით მემარცხენეების მითითებებს – ბინადრობის მოწმობის აღდგენის წინაპირობებს არ შევცვლით
“სწორია რომ ბინადრობის მოწმობები ვადაგასული გამოდის? რათქმაუნდა არა! როცა ადამიანი ყოველგვარი კანონის დაცვით შემოდის ქვეყანაში, მაგ სამუშაო ვიზით, ე.წ “მეტაკლისი”-ს პროცედურების გავლით, რომლის ფარგლებშიც განსაზღვრული ადამიანების რაოდენობას, განსაზღვრულ ვაკანტურ სამუშაო ადგილებზე შეუძლიათ დასაქმება განსაზღვრული დროით და შემდეგ უკან გაბრუნება, გამოსდის ვადაგასული ბინადრობის მოწმობა, არის სრულიად უსამართლო. სწორედ ამიტომ, ბინადრობის მოწმობები, რომლებიც ამიერიდან გამოიცემა, იქნება ძალაში სულ მცირე 2 წლის ვადით. მეორე და ძალიან მნიშვნელოვანი თემა, რომელიც უნდა გამოსწორდეს, არის ადმინისტრაციის მიერ შეფერხებული და დაგვიანებული განცხადებების განხილვა. ჩვენ ვიძლევით გარანტიას გარანტირებული, უსაფრთხო ბინადრობის მოწმობების კატეგორიებზე. მაგალითად: როდესაც ადამიანები ჩამოდიან საბერძნეთში ოჯახებში დასასაქმებლად, და მუშაობენ იმავე დამსაქმებლებთან, რომლებისგანაც აიღეს ბინადრობის მოწმობები, მათი ბინადრობის მოწმობები გადავადდება მომენტალურად. ასევე, ის ადამიანები, რომლებსაც შეუსრულდათ 65 წელი, საუბარი მაქვს ემიგრანტების პირველ თაობაზე, რომლებიც ძირითადად ალბანეთიდან არიან, ცხოვრობენ ლეგალურად საბერძნეთის ტერიტორიაზე, თუმცა აღარ მუშაობენ და ვერც პენსიას იღებენ, რადგან არ აქვთ საკმარისი “ენსიმების” რაოდენობა, შეძლებენ დარჩნენ საბერძნეთის ტერიტორიაზე მათ შვილებთან ერთად, მთავარია ჰქონდეთ დაზღვევა.
რაც შეეხებათ იმ ადამიანებს, რომლებსაც აქვთ 3 წლის ვადით ბინადრობის მოწმობები და არიან უმუშევრები. ლეგალური მიგრაციის მთავარი მიზანი არის ემიგრანტებმა შეავსონ ვაკანტური სამუშაო ადგილები, თუ 3 თვის განმავლობაში ემიგრანტი არის უმუშევარი გაუქმდება მისი ბინადრობის მოწმობა.
რაც შეეხებათ იმ ადამიანებს, რომლებსაც საბუთები გაუფუჭდათ, ისინი შეძლებენ საბუთების აღდგენას. თუმცა კრიტერიუმები ამ კატეგორიაში მოსახვედრად არ გაფართოვდება. შეძლებენ ბინადრობის მოწმობების აღდგენას ის ადამიანები, ვინც ფლობდნენ მოწმობებს მინიმუმ 5 წელი მაინც.” – განაცხადა თანოს პლევრისმა.
