პროკურორმა გასცა 59 წლის კაცის დაკავების ბრძანება, რომელიც 23 წლის გოგონას პარკინგის ადგილის გამო ფიზიკურად გაუსწორდა
პროკურორმა გასცა 59 წლის კაცის დაკავების ბრძანება, რომელიც 23 წლის გოგონას პარკინგის ადგილის გამო ფიზიკურად გაუსწორდა
პროკურორმა გასცა 59 წლის კაცის დაკავების ბრძანება, რომელიც ათენის ცენტრში პარკინგის ადგილის გამო 23 წლის გოგონას ფიზიკურად გაუსწორდა.
protothema.gr-ის მიერ გავრცელებული ინფორმაციის თანახმად კაცს ბრალად განზრახ მძიმე სხეულის დაზიანების მიყენება ედება. აღნიშნული ქმედება განსაკუთრებით მძიმე დანაშაულების კატეგორიაში შედის.
რამდენადაც პრესისთვის ცნობილია ბრალდებული იმალება.
შეგახსენებთ, რომ 23 წლის გოგონას თავს მაშინ დაესხნენ, როცა მანქანის გაჩერებას ცდილობდა არისტოქსენუს ქუჩაზე. სწორედ მაშინ გამოხატა გამვლელი მოტოციკლეტის მძღოლმა აგრესია, რადგან არ სურდა შეჩერებულიყო და მოეცადა სანამ გოგონა მანქანას გააჩერებდა. მოტოციკლეტი გააჩერა, გოგონას თავს დაესხა, კერძოდ სახეში მუშტი ჩაარტყა და მიწაზე დააგდო.
დაშავებული სასწრაფო დახმარების ბრიგადამ საავადმყოფოში გადაიყვანა. ჩატარებული გამოკვლევების შედეგად კი დადგინდა, რომ თავდასხმის შედეგად აღენიშნებოდა მოტეხილობა.
