ირაკლიო: წყლიდან ჯვრის ამოტანა შეძლეს, თუმცა ჭიდაობაში შემოატდათ

ირაკლიო: წყლიდან ჯვრის ამოტანა შეძლეს, თუმცა ჭიდაობაში შემოატდათ
მიუხედავად იმისა, რომ ნათლისღების დღეს დაბალი ტემპერატურა და ზამთრის მკაცრი სუსხი ჭარბობს ატმოსფეროში, საბერძნეთში წყლის კურთხევის შემდეგ წყალში ჯვარს აგდებენ და მის ამოსატანად ხტებიან.

სწორედ ამ ტრადიციული რიტუალის შესრულებისას ირაკლიოში წყლიდან ჯვრის ამოსატანად გადამხტარ ახალგაზრდებს ჯვარი შემთხვევით შემოატყდათ. 

6 იანვარს საბერძნეთში ნათლისღების ბრწყინვალე დღესასწაული აღინიშნება. ეს დღე ახალი აღთქმის ერთ-ერთი უმთავრეს საიდუმლოდ ითვლება. სახარების თანახმად ამ დღეს, იოანე ნათლისმცემელმა მდინარე იორდანეში მონათლა იესო ქრისტე.

ნათლისღების დღესასწაულზე წყლის კურთხევის მსახურება სრულდება და ნაკურთხი წყალი მთელი წლის განმავლობაში ინახება. ნათლისღება ის ძირითადი აქტია, რომლითაც ადამიანი ქრისტიანად ითვლება.

ამ დღეს ასევე ღვთის განცხადება ეწოდება, რადგანაც სწორედ მაშინ განცხადდა პირველად წმინდა სამება: ძე ნათელს იღებდა, სულიწმინდა მტრედის სახით ჩანდა, ხოლო ციდან ისმოდა მამა ღმერთის ხმა: „ესე არს ძე ჩემი საყვარელი, რომელ მე სათნო ვიყავ”.