ირაკლიო: 54 წლის კაცმა ფსიქიატრიული კლინიკიდან გაწერიდან რამდენიმე საათში თავი მოიკლა
ირაკლიო: 54 წლის კაცმა ფსიქიატრიული კლინიკიდან გაწერიდან რამდენიმე საათში თავი მოიკლა
საბერძნეთში, კერძოდ ირაკლიოში 54 წლის კაცმა სიცოცხლე თვითმკვლელობით დაასრულა. გავრცელებული ინფორმაციის თანახმად თვითმკვლელობამდე კაცი ფსიქიატრიულ კლინიკაში იყო განთავსებული, თუმცა ექიმებმა მისი გაწერის გადაწყვეტილება მიიღეს. ფსიქიატრიული კლინიკიდან გაწერიდან რამდენიმე საათის შემდეგ კი ის ვენეციური ციხესიმაგრის კედლიდან გადახტა და გარდაიცვალა.
გავრცელებული ინფორმაციით, მამაკაცმა თვითმკვლელობის განზრახვა მეუღლეს გაანდო. ქალმა დაუყოვნებლივ მიმართა პოლიციას დახმარებისთვის. სამართალდამცველებმა მამაკაცი ვენიზელიოს საავადმყოფოში გადაიყვანეს ფსიქიატრიული შეფასებისთვის.
საჭირო გამოკვლევების შემდეგ კაცს მედიკამენტური მკურნალობა დაუნიშნეს. თუმცა, ექიმების შეფასებით, არ არსებობდა იძულებითი ჰოსპიტალიზაციის სამართლებრივი საფუძველი და მამაკაცს საავადმყოფოდან წასვლის უფლება მისცეს.
შემთხვევის ადგილზე სასწრაფო დახმარების ბრიგადა მივიდა და იგი საავადმყოფოში გადაიყვანა, თუმცა ექიმებმა მისი გადარჩენა ვეღარ შეძლეს.
შემთხვევასთან დაკავშირებით დეტალები და ის გარემოებები, რომლებშიც მამაკაცის საავადმყოფოდან გაწერის გადაწყვეტილება იქნა მიღებული, დამატებით საგამოძიებო პროცედურას საჭიროებს.
