მაზონაკისის სახლში ჩხრეკა ჩატარდა

მაზონაკისის სახლში ჩხრეკა ჩატარდა

საბერძნეთის პოლიციამ მომღერალი გიორგოს მაზონაკისის საცხოვრებელ სახლში ჩატარებული ჩხრეკის შედეგად ამოღებული სეიფის შესახებ ახალი დეტალები გაავრცელა.

პოლიციის პრესსპიკერმა კონსტანტია დიმოღლიდუმ პარასკევს, 18 სექტემბერს, ტელეკომპანია Mega-სთან საუბრისას განაცხადა, რომ მომღერლის გარდაცვალების შემდეგ გამოძიება მალევე დაიწყო. მისი თქმით, მაზონაკისის სახლში ჩხრეკა პროკურორის თანდასწრებით ჩატარდა და სამართალდამცავმა ორგანოებმა სახლში აღმოჩენილი სეიფის გახსნის გადაწყვეტილება მიიღეს.

მისივე განმარტებით, საცხოვრებელში ჩხრეკის ჩატარების მიზანი იყო იმის დადგენა, არსებობდა თუ არა რაიმე ნივთი ან სხვა მტკიცებულება, რომელიც შესაძლოა დაკავშირებული ყოფილიყო მომღერლის გარდაცვალების გარემოებების გამოძიებასთან.

პოლიციის წარმომადგენელმა ასევე აღნიშნა, რომ გარდაცვლილის პირადი ნივთები შესაბამის უწყებას გადაეცემა.

ამ დროისთვის სასამართლო-სამედიცინო ექსპერტიზის საბოლოო დასკვნის შედგენის პროცესი ჯერ არ დასრულებულა. მისი დასრულებისთვის საჭიროა ტოქსიკოლოგიური და ჰისტოლოგიური კვლევების შედეგები.

დიმოღლიდუმ ასევე აღნიშნა, რომ გამოძიებისთვის მნიშვნელოვანი აღმოჩნდა სპეციალური მოწყობილობის მუშაობის პრინციპის გაშიფვრა, რაც საქმის შემდგომი შესწავლის პროცესს მნიშვნელოვნად დაეხმარება.