როგორ დავტენოთ სწორად ტელეფონები

როგორ დავტენოთ სწორად ტელეფონები

გამომდინარე იქიდან, რომ დღესდღეობით სმარტფონების ელემენტებს ისეთი გამძლეობა არ აქვს როგორც ნოკიას, ბაზარზე გამოჩენის პირველ წლებში, საჭირო და მნიშვნელოვანია მზრუნველობით მოეპყრათ ტელეფონს და იცოდეთ, როგორ დატენოთ სწორად აკუმულატორი.

სმარტფონების უმეტესობა აღჭურვილია სპეციალური კონტროლიორით, რაც არ უშვებს გადატენვას, ამიტომ შეგიძლიათ ის დიდ ხანს დატოვოთ ჩართული. მაგრამ ზოგ მათგანს ეს ფუნქცია არ აქვს, ამიტომ სანამ ასე მოიქცევით, გაერკვიეთ კარგად ტელეფონის შესაძლებლობებში.

როდესაც თქვენი სმარტფონი მიაღწევს 100% და ის მაინც შეერთებული გაქვთ დენის წყაროსთან, ეს ელემენტს „სტრესულ“ მსგომარეობაში აყენებს. როდესაც ტელეფონი ბოლომდე დაიტენება და მას გამოაერთებთ ეს იქნება, როგორც ადამიანისთვის „კუნთების რელაქსაცია ძალიან ინტენსიური ვარჯიშის შემდეგ“.

ჩვენი სმარტფონის ბატარეებს არათუ არ სჭირდებათ 100%-მდე დატენვა, არამედ ეს სრულებით არ არის სასურველი. მაღალი/ჭარბი დენის ძაბვა ბატარეის „სტრესს“ იწვევს და ხელს უწყობს მის გაცვეთას ხანგრძლივ პერსპექტივაში.

სმარტფონის ბატარეები იმდენათ მგრძნობიარენი არიან სიცხის/გახურების მიმართ, რომ თვით Apple გირჩევთ, რომ გარკვეულ შემთხვევებში ჯობს თქვენი iPhone ამოიღოთ ქეისიდან და ისე დატენოთ. ასევე, თუკი გიწევთ მზეში დიდხანს ყოფნა, გამოიყენეთ ქეისი თქვენი ტელეფონისთვის, ეს აუცილებლად დაიცავს თქვენს ბატარეას.