საბერძნეთის პარლამენტი შშმ პირებისთვის პერსონალური ასისტენტის შესახებ კანონპროექტის განხილვას იწყებს
საბერძნეთის პარლამენტი შშმ პირებისთვის პერსონალური ასისტენტის შესახებ კანონპროექტის განხილვას იწყებს
2026 წლის 16 ივლისს საბერძნეთის პარლამენტის სოციალური საკითხების კომიტეტი განიხილავს კანონპროექტს, რომელიც შშმ პირებისთვის პერსონალური ასისტენტის პროგრამის მუდმივ ეროვნულ სერვისად ჩამოყალიბებას ითვალისწინებს.
კანონპროექტი მიზნად ისახავს საპილოტე პროგრამის სრულფასოვან სისტემად გადაქცევას და მისი ორგანიზების, დაფინანსების, შეფასებისა და ზედამხედველობის ერთიანი წესის დადგენას.
კანონპროექტის მიხედვით, ახალი სისტემა ხელს შეუწყობს შშმ პირების დამოუკიდებელ ცხოვრებას, ავტონომიასა და მათ სრულფასოვან მონაწილეობას საზოგადოებრივ, საგანმანათლებლო და პროფესიულ საქმიანობაში.
ამასთან, კანონპროექტი ითვალისწინებს პერსონალური ასისტენტებისა და შემფასებლების სპეციალური რეესტრების შექმნას, ერთიანი ელექტრონული სისტემის ამოქმედებას და პროგრამის სტაბილური დაფინანსების უზრუნველყოფას, რათა მომსახურება ქვეყნის მასშტაბით თანაბრად, გამჭვირვალედ და ეფექტიანად განხორციელდეს.
