საბერძნეთში ახალ ლიცეუმსა და ეროვნულ ატესტატთან დაკავშირებით რეფორმის გატარება იგეგმება
საბერძნეთში ახალ ლიცეუმსა და ეროვნულ ატესტატთან დაკავშირებით რეფორმის გატარება იგეგმება
საბერძნეთში საშუალო განათლების ერთ-ერთი ყველაზე მნიშვნელოვანი რეფორმა ახალ ეტაპზე გადადის. პარლამენტში იწყება განხილვა ახალი ლიცეუმისა და ეროვნული ატესტატის (Εθνικό Απολυτήριο) შემოღების შესახებ.
რეფორმის მთავარი მიზანია, მოსწავლის შეფასება მხოლოდ ერთ საბოლოო გამოცდაზე არ იყოს დამოკიდებული და გათვალისწინებული იყოს მისი მთელი სამწლიანი სასწავლო გზა. ამ ეტაპზე ჯერ არ არის საბოლოოდ განსაზღვრული, როგორ გადანაწილდება შეფასება სამივე კლასზე და რა როლი ექნება ეროვნულ გამოცდებს.
ახალი მოდელის ფარგლებში განიხილება ასევე თემების ბანკის გაძლიერება, მოსწავლის ციფრული სასწავლო პროფილი, შეფასების ახალი სისტემა, ხელოვნური ინტელექტის გამოყენება განათლებაში და პროფესიული განათლების გაძლიერება.
რეფორმის პროექტზე 106 კაციანი ეროვნული კომისია მუშაობს. საჯარო კონსულტაცია 2026 წლის 22 სექტემბერს უნდა დაიწყოს, საბოლოო კანონპროექტის პარლამენტში წარდგენა კი 2026 წლის დეკემბერ 2027 წლის იანვრისთვის იგეგმება.
უნდა აღნიშნოს, რომ ახალი სისტემა არ შეეხება უკვე ლიცეუმში მყოფ მოსწავლეებს. რეფორმა ეტაპობრივად იმ ბავშვებზე გავრცელდება, რომლებიც დღეს დაწყებით ან საბაზისო განათლებაში არიან.
მთავრობის განცხადებით, რეფორმის მიზანი არ არის უფრო მარტივი სკოლა, არამედ უფრო სამართლიანი შეფასების სისტემა, რომელიც მოსწავლის ცოდნასა და შესაძლებლობებს მხოლოდ ერთი საგამოცდო დღის შედეგით არ განსაზღვრავს.
