საბერძნეთში ხანძრის მაღალი საფრთხის გამო განსაკუთრებული ზომები მოქმედებს – მოქალაქეებს სიფრთხილისკენ მოუწოდებენ
საბერძნეთში ხანძრის მაღალი საფრთხის გამო განსაკუთრებული ზომები მოქმედებს – მოქალაქეებს სიფრთხილისკენ მოუწოდებენ
საბერძნეთის სამოქალაქო დაცვის სამსახურის გადაწყვეტილებით, ხანძრის მაღალი საფრთხის მქონე რეგიონებში კვლავ მოქმედებს ტყის ხანძრების პრევენციის სპეციალური გეგმა. გეგმის ფარგლებში იზღუდება ავტომობილების გადაადგილება და მოქალაქეების შესვლა ეროვნულ პარკებში, ტყეებსა და სხვა მაღალი რისკის ზონებში.
სახანძრო სამსახური მოსახლეობას მოუწოდებს განსაკუთრებული სიფრთხილე გამოიჩინონ და მოერიდონ ნებისმიერ ქმედებას, რომელმაც შესაძლოა ხანძარი გამოიწვიოს. აკრძალულია მშრალი ბალახისა და ტოტების დაწვა, ნაპერწკლების გამომწვევი ტექნიკის გამოყენება, ღია ცეცხლზე მწვადის მომზადება, მეფუტკრეობაში კვამლის გამოყენება და ანთებული სიგარეტის გადაგდება.
მოქალაქეებს ასევე ურჩევენ რეგულარულად გაეცნონ სახანძრო სამსახურის ოფიციალურ გაფრთხილებებსა და რეკომენდაციებს, ხოლო ხანძრის შემჩნევის შემთხვევაში დაუყოვნებლივ დარეკონ 199-ზე.
სახანძრო სამსახური ყველას მოუწოდებს საგანგებო სიტუაციის დროს მკაცრად დაიცვან კომპეტენტური ორგანოების მითითებები, რათა თავიდან იქნას აცილებული მსხვერპლი და დამატებითი ზიანი.
