სერვიის მუნიციპალიტეტი თითოეულ ახალ ოჯახზე 5 000 ევროს, ხოლო სოფელ ელატში დაბადებულ თითო ბავშვზე 10 000 ევროს ოდენობის დახმარებას გასცემს
სერვიის მუნიციპალიტეტი თითოეულ ახალ ოჯახზე 5 000 ევროს, ხოლო სოფელ ელატში დაბადებულ თითო ბავშვზე 10 000 ევროს ოდენობის დახმარებას გასცემს
საბერძნეთის სერვიის მუნიციპალიტეტმა დემოგრაფიული კრიზისის წინააღმდეგ ბრძოლის მიზნით უნიკალური სოციალური პროგრამა აამოქმედა. მუნიციპალიტეტი ახალდაქორწინებულ წყვილებს, რომლებიც რეგიონში დასახლებას გადაწყვეტენ, 5 000 ევრომდე ფინანსურ დახმარებას სთავაზობს, ხოლო სოფელ ელატიში დაბადებული თითოეული ბავშვისთვის 10 000 ევროს გამოყოფს.
მუნიციპალიტეტის მერმა ხრისტოს ელევთერიუმ განაცხადა, რომ დემოგრაფიული პრობლემა დღეს საბერძნეთის ერთ-ერთი ყველაზე სერიოზული გამოწვევაა და ადგილობრივი ხელისუფლება ცდილობს, რეალური მხარდაჭერა გაუწიოს ახალგაზრდა ოჯახებს.
პროგრამა მხოლოდ ფინანსური დახმარებით არ შემოიფარგლება. მუნიციპალიტეტი ასევე აშენებს ახალ საბავშვო მოედნებს, საბავშვო ბაღებს, ახორციელებს სკოლების ენერგოეფექტურ მოდერნიზაციას და აუმჯობესებს ოჯახებისთვის ცხოვრების პირობებს.
უკვე ოთხმა ახალგაზრდა წყვილმა მიიღო აღნიშნული დახმარება, რაც ადგილობრივი ხელისუფლების მხრიდან ოჯახის ინსტიტუტის მხარდაჭერის სიმბოლოდ და პრაქტიკულ ნაბიჯად შეფასდა.
მერის თქმით, მათი მიზანია, სერვიის მუნიციპალიტეტი გახდეს მაგალითი მთელი ქვეყნისთვის და ცენტრალურმა ხელისუფლებამაც უფრო აქტიურად დაუჭიროს მხარი ახალგაზრდა ოჯახებსა და ახალ თაობას.
ეს ინიციატივა საბერძნეთში დემოგრაფიული პრობლემის დაძლევის ერთ-ერთ ყველაზე საინტერესო ადგილობრივ პროექტად მიიჩნევა და უკვე დიდ საზოგადოებრივ ყურადღებას იპყრობს.
