ხანძარი კუნძულ ანდროზე- ცეცხლი ემუქრება დასახლებებს
კუნძულ ანდროზე ელვის შედეგად გაჩენილ ძლიერ ხანძარს ებრძვიან, რომელმაც დიდი მასშტაბებს მიაღწია ვიტალი ანდროუს რაიონში. დასახლება ევაკუირებულია, ძლიერი ქარი მეხანძრეების მუშაობას აფერხებს.
”სიტუაცია უკონტროლოა, სახლები საფრთხეშია”, – აცხადებს კუნძულის მერი დიმიტრის ლოცარისი
კუნძულზე ქრის 6-7 ბოფორტი სიმძლავრის ქარი, ადგილზე მოქმედი სახანძრო ძალები დაუყოვნებლივ დახმარებას ითხოვენ.
გაცემულია მითითება გიდის დასახლებიდან მოსახლეობის ევაკუაციის შესახებ, მაცხოვრებლებმა მიიღეს შეტყობინება 112-დან გავრიოს პორტში გადასასვლელად.
სახანძრო სამსახურის ინფორმაციით, კუნძულზე ხანძარი ორ ადგილას მძვინვარებს-ვიტალის რაიონში, რომელიც ყველაზე სერიოზულია და მეორე, ზოოდოხოს პიგის წმინდა მონასტერთან, რომელიც, სახანძრო სამსახურის ინფორმაციით შედარებით სუსტია.
ხანძარი სავარაუდოდ კუნძულზე დღეს დილით გაჩენილმა ელვისებურმა დარტყმამ გამოიწვია.
სალიკვიდაციო სამუშაოები სრულად მიმდინარეობს და ცეცხლთან ბრძოლაში 21 მეხანძრე-მაშველი 7 მანქანით, ორი თვითმფრინავითა და ვერტმფრენით არის ჩართული.
მოკლე დროში ინტენსიური ელვის მოქმედების შედეგად დღეს, დილით ხანძარი გაჩნდა კუნძულ ანდროს გარდა ატიკის რეგიონშიც.
კერძოდ, ერთ საათში 270-ზე მეტი ელვა დაეცა მხოლოდ ვარისა და ვულას ფართო რაიონში.
ელვამ ხანძარი გამოიწვია კოროპში, ვარსა და ვულიაგმენში. აღნიშნულ მონაკვეთებზე ელვა დაახლოებით 270 დაეცა 5:30-დან 6:30 საათამდე. შედეგად თითქმის ერთდროულად ექვსი ხანძარი გაჩნდა. ცეცხლის კერები დღეს შუადღემდე კონტროლს ექვემდებარებოდა.
