ავტოსაგზაო შემთხვევას 54 წლის ქალის სიცოცხლე ემსხვერპლა 

ავტოსაგზაო შემთხვევას 54 წლის ქალის სიცოცხლე ემსხვერპლა 

ხუთშაბათს გამთენიისას აბელონაში მომხდარმა ავტოსაგზაო შემთხვევამ 54 წლის ქალის სიცოცხლე იმსხვერპლა.

onlarissa.gr-ის მიერ გავრცელებული ინფორმაციის თანახმად გამოძიებისთვის ამ დრომდე დაუდგენელ მიზეზთა გამო ქალმა საჭეზე კონტროლი დაკარგა, გზიდან გადავიდა და ხეს შეასკდა.

შეჯახება ქალაქის ცნობილ სპორტ-დარბაზთან მოხდა. დაშავებული ქალი გამვლელებმა დილის 6:30 საათზე აღმოაჩინეს.

ადგილზე დაუყოვნებლივ გამოიძახეს სასწრაფო დახმარების ბრიგადა, რომელმაც დაშავებული ქალის სიკვდილი დაადასტურა.

გავრცელებული ინფორმაციის თანახმად ივარაუდება, რომ გარდაცვლილს გულის შეტევა დაემართა სანამ ხეს შეასკდებოდა.