ათენი-სააღდგომოდ გასული მოსახლეობის დაბრუნება გრძელდება

დღეს, სამშაბათს მეორე დღეა  რაც  სააღდგომოდ   გასული მოსახლეობა დედაქალაქს უბრუნდება.

როგორც ირკვევა დაახლოებით 2 მილიონმა ათენელმა დატოვა ქალაქი.

პირველი დიდი ტალღა გუშინ, ორშაბათს დაბრუნდა და დღეს დილიდან   ცენტრალურ  გზატკეცილებზე კვლავ პიკია.

სავარაუდოდ დღეს, პირეას პორტი 19 გემს მიიღებს კუნძულებიდან, 13 გემი დაბრუნდება რაფინას პორტში, ხოლო 8 ლავრიოში.

ორშაბათს პირეას პორტში 15432 მგზავრი დაბრუნდა, რაფინაში 11493, ხოლო ლავრიოში 4072.

საგზაო მოძრაობის მონაცემებით, აღდგომის დღესასწაულზე ატიკის გარეთ 500 000- ზე მეტი ავტომობილი იყო გასული და ორშაბათიდან თანდათან ბრუნდებიან ათენში.

ვარაუდობენ, რომ დღესაც, სამშაბათს სატრანსპორტო მოძრაობა გაიზრდება ეროვნულ  გზებზე.