ფთიოტიდა: მოხუცის საწყობიდან 200 ლიტრი ზეითუნის ზეთი მოიპარეს
ბოლო პერიოდში საბერძნეთში, ზეითუნის ზეთის საგრძნობლად გაძვირების პარალელურად, გაიზარდა ზეთის ქურდობის შემთხვევებიც.
ბოლო ინციდენტი მოხდა კუველა სტილიდასში, ფთიოტიდაში, სადაც უცნობმა პირებმა 200 ლიტრი ზეითუნის ზეთი მოიპარეს.
კერძოდ, ადგილობრივი პრესის ცნობით, ხუთშაბათს, დილით, უცნობი პირები შეიჭრნენ 79 წლის მამაკაცის სახლში და საწყობში, მაშინ, როდესაც ის სახლში არ იმყოფებოდა, თუმცა, როგორც აღმოჩნდა, ისინი ძირითადად ზეითუნის ზეთით იყვნენ დაინტერესებულნი, რადგან სახლიდან სხვა არაფერი წაუღიათ.
მათი „სამიზნე“ საწყობი იყო, საიდანაც 200 ლიტრი ზეითუნის ზეთი მოიპარეს. ისინი შლანგით და ვედროთი მომზადებულები მივიდნენ ადგილზე და ზეთი საკუთარ კონტეინერებში გადაასხეს, რაც მოწმობს, რომ იცოდნენ რას ეძებდნენ.
მომხდარის შესახებ ეცნობა ადგილობრივ პოლიციას, რომელმაც წინასწარი გამოძიება დაიწყო.
