ათენი: სადარბაზოში ნაპოვნი ქალის მკვლელობაში ეჭვმიტანილი დააკავეს
ათენი: სადარბაზოში ნაპოვნი ქალის მკვლელობაში ეჭვმიტანილი დააკავეს
ათენში, კოლოკოტრონის ქუჩაზე მდებარე სადარბაზოში ნაპოვნი 30 წლის ეთიოპიის მოქალაქის საქმესთან დაკავშირებით ახალი დეტალები ვრცელდება.
პოლიციამ ქალის მკვლელობაში ეჭვმიტანილი 45 წლის იტალიის მოქალაქე დააკავა, რომელსაც გარდაცვლილი გაცნობის საიტიდან შეხვდა.
საქმის მასალებიდან ირკვევა, რომ ქალი სადარბაზოს მეოთხე სართულიდან სადარბაზოებს შორის არსებულ სივრცეში გადავარდა.
ეჭვმიტანილი საბერძნეთში ხანმოკლე ვიზიტით იმყოფებოდა. პოლიციელებს განუცხადა, რომ ქალთან იჩხუბა. აღსანიშნავია, რომ გარდაცვლილსაც და ეჭვმიტანილსაც სახისა და სხეულის არეში ნაკაწრები ჰქონდათ.
დაკითხვაზე ეჭვმიტანილმა განაცხადა, რომ არ იცნობდა გარდაცვლილს და უბედურ შემთხვევამდე რამდენიმე ხნით ადრე სახლიდან გააგდო.
პოლიციის მიერ გავრცელებული ინფორმაციის თანახმად იმ სადარბაზოში, საიდანაც ქალი გადავარდა, არის ფანჯარა, რომელიც არ იღება და ვინმემ უნდა გატეხოს, რომ გარეთ ფანჯრიდან აღმოჩნდეს. გამოძიების შედეგად დადგინდა, რომ იტალიის მოქალაქეს იმავე სადარბაზოს მესამე სართულზე ჰქონდა ნაქირავები ბინა. გამოძიება ცდილბს დაადგინოს ცდილობდა თუ არა ქალი გაქცეოდა საფრთხეს და სწორედ ამ მიზნით ავიდა თუ არა მეოთხე სართულზე, სადაც ჩაამსხვრია ფანჯარა და უეცრად ჰაერში აღმოჩნდა.
