ათენი: ყალბი დოკუმენტების დამზადების ბრალდებით 2 პირი დააკავეს
ათენი: ყალბი დოკუმენტების დამზადების ბრალდებით 2 პირი დააკავეს
სამართალდამცავმა ორგანოებმა 44 და 46 წლის უცხო ქვეყნის მოქალაქეები დააკავეს, რომლებიც გამოძიების ხელთ არსებული ინფორმაციის თანახმად, 2025 წლიდან ამზადებენ ყალბ დოკუმენტებს და ევროკავშირის ქვეყნებში ემიგრანტების უკანონო გადაყვანისთვის იყენებდნენ.
ჩხრეკისას პოლიციის თანამშრომლებმა ამოიღეს 243 პირადობის მოწმობა, 46 პასპორტი, 12 ბინადრობის ნებართვა, 12 მართვის მოწმობა, ვიზები, სპეციალური საბეჭდი მოწყობილობები, კომპიუტერული ტექნიკა და ასობით ციფრული შაბლონი სხვადასხვა ქვეყნის დოკუმენტებისთვის.
გამოძიების თანახმად, ყალბი პასპორტის ფასი 900 ევრო იყო, პირადობის მოწმობის – 600 ევრო, ბინადრობის ნებართვის – 400 ევრო, ხოლო თავშესაფრის მაძიებლის მოწმობისა და მართვის მოწმობის – 150 ევრო.
პოლიციის შეფასებით, ორგანიზაციის უკანონო შემოსავალმა 200 000 ევროს გადააჭარბა.
